වෘත්තියෙන් වරලත් ගණකාධිකාරීවරයකු වන ආර්. රෙංගනාදන් මහතා සමාගම ආරම්භ කරන විටම එයට එක් වූ අතර, මේ වන විට ඔහු සෙලින්කෝ ලයිෆ් ඉන්ෂුවරන්ස් ලිමිටඞ් සමාගමේ සභාපති ලෙස එය ඉතා සාර්ථකව මෙහෙයවමින් සිටියි. ජීවිත රක්ෂණ මෙහෙයුම් 1988 වසරේ ආරම්භ කළ අවධියේ සිටම ප‍්‍රධාන තනතුරෙහි රැුඳී සිටිමින්, ඉන්පසුව ජීවිත රක්ෂණ ක්ෂේත‍්‍රය පුද්ගලීකරණය වීමත් සමඟ ශී‍්‍ර ලංකාවේ සෑම පවුලක් වෙතම ජීවිත රක්ෂණය පිරිනැමීම සඳහා වූ දැක්මෙන් යුතුව ඔහු විසින් මෙම සමාගම නිවැරදි දෙසට මෙහෙයවනු ලැබ ඇත. ශී‍්‍ර ලංකාවේ රක්ෂණය ලැබීමේ හැකියාව ඇති ජනගහනයේ විවිධ අවශ්‍යතා සඳහා සරිලන පරිදි නව්‍යකරණයෙන් යුතු සැලසුම් සහ සේවාවන් හඳුන්වාදෙමින් ඔහු පවුල්වල ප‍්‍රධාන ආදායම් සපයන්නන් මිලියනයකට ජීවිත රක්ෂණය පිරිනැමීම සඳහා සෙලින්කෝ ලයිෆ් මෙහෙයවා ඇත. ඔහුගේ මූල්‍ය හසළත්වය සහ ¥රදර්ශීබව ඔස්සේ වසර 31ක් පමණක් වූ කාලයක් ඇතුළත රු. බිලියන 88ක දැවැන්ත ජීවිත රක්ෂණ අරමුදලක් ගොඩනැගීමට සෙලින්කෝ ලයිෆ් සමත් විය. එසේම, පසුගිය වසර 15 පුරා අඛණ්ඩව ශී‍්‍ර ලංකාවේ වෙළෙඳපොළ ප‍්‍රමුඛයා ලෙස ඉදිරියෙන්ම රැුඳීසිටීම සඳහා සෙලින්කෝ ලයිෆ් මෙහෙයවීමට ඔහු සහ ඔහුගේ කළමනාකාරිත්ව කණ්ඩායම සමත් විය. සෙලින්කෝ ලයිෆ් හි අනුබද්ධ සමාගමක් වන සෙලින්කෝ හෙල්ත්කෙයාර් සර්විසස් ලිමිටඞ් මඟින් පිළිකාවට ගොදුරු වූ පිරිස් වෙනුවෙන් ප‍්‍රතිකාර සඳහා නව ලොව නවතම උපකරණ සහ පහසුකම් පිරිනමන අතරතුරදී, රෙංගනාදන් මහතා සිය ¥රදර්ශී දැක්ම ඔස්සේ කටයුතු කරමින් සකී‍්‍රය විශ‍්‍රාමිකයින් සඳහා සමාගමෙහි අනෙක් අනුබද්ධ සමාගම වන සෙරීන් රිසෝට්ස් ලිමිටඞ් හි ‘‘නිවෙසින් පිටත නිවෙසක්’’ ආරම්භ කර ඇති අතර, කොළඹ සිට සැතපුම් 9ක් පමණක් වූ දුරකින් ඇති උස්වැටකෙයියාවේ පිහිටි සුවපහසු නිවාඩු නිකේතනයක් වන ‘ලා සෙරීනා’ නම් වන එය මේ වන විට ජනතාවට සේවය සැලසීම සඳහා සූදානමින් සිටියි.

වර්ෂ 2014 දී අධ්‍යක්ෂ මණ්ඩලයට පත් වූ රණසිංහ මහතා සෙලින්කෝ ලයිෆ් ඉන්ෂුවරන්ස් ලිමිටඞ් හි කළමනාකාර අධ්‍යක්ෂ/ප‍්‍රධාන විධායක නිලධාරීලෙස කටයුතු කරයි. රණසිංහ මහතා 1986 වසරේදී නිෂ්පාදන කළමනාකරුවකු ලෙස සෙලින්කෝ ලිමිටඞ් හි සේවයට එක් විය. අලෙවි, වෙළෙඳ සහ උපායමාර්ගයික සැලසුම්කරණය සම්බන්ධයෙන් වසර 35කට අධික සේවා පළපුරුද්දක් සහිත ඔහු සෙලින්කෝ ඉන්ෂුවරන්ස් පී.එල්.සී. ආරම්භ කිරීමට දායක වූ පුරෝගාමී සාමාජිකයින්ගෙන් අයෙකි. ඔහු සෙලින්කෝ හෙල්ත්කෙයාර් සර්විසස් ලිමිටඞ් හි අධ්‍යක්ෂවරයකු ලෙසද කටයුතු කරයි. ශී‍්‍ර ලංකාවේ වරලත් අලෙවිකරුවන්ගේ ආයතනයේ ආරම්භක සාමාජිකයකු වන රණසිංහ මහතා එහි විධායක කමිටුවේ ජ්‍යෙෂ්ඨ උප සභාපති තනතුර ඇතුළු ජ්‍යෙෂ්ඨ තනතුරු ගණනාවක් දරා ඇත. රණසිංහ මහතා ශී‍්‍ර ජයවර්ධනපුර විශ්වවිද්‍යාලයේ කළමනාකරණ පශ්චාත් උපාධි ආයතනයෙන් ඵඊ් උපාධියක් හිමි කරගෙන සිටින අතර ඔහු වරලත් අලෙවිකරුවකු මෙන්ම එක්සත් රාජධානියේ වරලත් අලෙවි ආයතනයේ සාමාජිකයෙකුද වෙයි.

වර්ෂ 2014 දී අධ්‍යක්ෂ මණ්ඩලයට පත් වූ කුරේ මහතා 1987 වසරේ සහකාර පුහුණු කළමනාකරු ලෙස සෙලින්කෝ ඉන්ෂුවරන්ස් හා එක්ව අද වන විට මානව සම්පත් සහ පුහුණු අංශ ප‍්‍රධානී ලෙස කටයුතු කරයි. සෙලින්කෝ ලයිෆ් හි අලෙවි බලකාය සැකසීමේදී කුරේ මහතා විසින් විශාල කාර්යභාරයක් ඉටු කරනු ලැබීය. ඔහු 2001 වසරේ සිට සෙලින්කෝ ඉන්ෂුවරන්ස් පී. එල්. සී. අධ්‍යක්ෂ මණ්ඩල සාමාජිකයකු ලෙස කටයුතු කරයි. ජීවිත රක්ෂණය පිළිබඳව ජාත්‍යන්තර වශයෙන් පිළිගැනීමට පාත‍්‍රව සිටින කථිකයකුද වන කුරේ මහතා සුවිශේෂ ජාත්‍යන්තර ජීවිත රක්ෂණ සමුළුවක් වන මිලියන් ඩොලර් වටමේස සමුළුව ඇමතූ, එහි සාමාජිකයකු නොවන ප‍්‍රථම දකුණු ආසියානු නියෝජිතයා විය. කුරේ මහතා ඇමෙරිකා එක්සත් ජනපදයේ ජීවිත ප‍්‍රාරක්ෂකයින් පුහුණු කිරීමේ මණ්ඩලයේ සාමාජිකයකු මෙන්ම වරලත් රක්ෂණ නියෝජිත ආයතන කළමනාකරුවකුද වෙයි.

2014 වසරේ අධ්‍යක්ෂ මණ්ඩලයට පත් කරන ලද පාලිත ජයවර්ධන මහතා සෙලින්කෝ ලයිෆ් ඉන්ෂුවරන්ස් ලිමිටඩ් හි ප්‍රධාන මූල්‍ය නිලධාරියා වේ. ඔහු 1990 දී සෙලින්කෝ ඉන්ෂුවරන්ස් පීඑල්සී හි ජීවිත අංශයට ප්‍රධාන ගණකාධිකාරී (ශාඛා) ලෙස සම්බන්ධ වූ අතර මූල්‍ය ක්ෂේත්‍රයේ වසර 27 කට වැඩි පළපුරුද්දක් ඇත. ජයවර්ධන මහතා සීමාසහිත සෙලින්කෝ හෙල්ත්කෙයාර් සර්විසස් සහ සෙලින්කෝ ඉන්ෂුවරන්ස් පීඑල්සී හි අධ්‍යක්ෂවරයෙකු ලෙසද කටයුතු කරයි. ඔහු ශ්‍රී ලංකා වරලත් ගණකාධිකාරීවරුන්ගේ ආයතනයේ සාමාජිකයෙක් සහ ශ්‍රී ලංකා සහතික කළ කළමනාකරණ ගණකාධිකාරී ආයතනයේ සාමාජිකයෙකි.

2014 වසරේ මණ්ඩලයට පත් වූ අබේනායක මහතා සීමාසහිත සෙලින්කෝ ලයිෆ් ඉන්ෂුවරන්ස් හි නියෝජ්‍ය ප්‍රධාන මූල්‍ය නිලධාරියා වේ. 1998 දී සෙලින්කෝ ඉන්ෂුවරන්ස් පීඑල්සී හි ජීවිත අංශයට මූල්‍ය ගණකාධිකාරීවරයෙකු ලෙස සම්බන්ධ වූ ඔහු මූල්‍ය ක්ෂේත්‍රයේ වසර 18කට වැඩි පළපුරුද්දක් ඇත. ඔහු සිටිසන්ස් ඩිවලොප්මන්ට් බිස්නස් ෆිනෑන්ස් පීඑල්සී සහ සෙලින්කෝ ඉන්ෂුවරන්ස් පීඑල්සී හි සභාපතිවරයා ලෙසද කටයුතු කරයි. අබේනායක මහතා ශ්‍රී ජයවර්ධනපුර විශ්වවිද්‍යාලයේ කළමනාකරණ පශ්චාත් උපාධි ආයතනයෙන් (PIM) MBA උපාධියක් ලබා ඇත. ඔහු ශ්‍රී ලංකා වරලත් ගණකාධිකාරීවරුන්ගේ ආයතනයේ සහ ශ්‍රී ලංකා සහතික කළ කළමනාකරණ ගණකාධිකාරීවරුන්ගේ ආයතනයේ සාමාජිකයෙකි.

ප්‍රනාන්දු මහතා එයාර් ලංකා සහ ශ්‍රී ලංකන් ගුවන් සේවය සමඟ වසර 38 ක ගුවන් යානා ඉංජිනේරු පළපුරුද්දක් ඇති ගුවන් සේවා කර්මාන්තයේ තාක්ෂණික වෘත්තිකයෙකි. හදිසි අනතුරුවලින් තොර ගුවන් මෙහෙයුම් පිළිබඳ නොකැළැල් වාර්තාවක් ඇති කළ නවෝත්පාදන සහ හොඳම භාවිතයන් සමඟින් ඉංජිනේරු සහ නඩත්තු සේවා සැපයීමේ හොඳම ප්‍රතිඵල අඛණ්ඩව ලබා ගැනීමට ඉංජිනේරු අංශයේ සෑම දෙපාර්තමේන්තුවකටම මඟ පෙන්වූ ඉහළ පෙළඹවීමක් ඇති නායකයෙකි.